Reklama

Pòdzãkòwanié za eskòrtã

Klëka

11/10/2025 16:48

Z Kaszëb, Pòdzãkòwanié eskòrtã - zdjęcie, fotografia

Pòstawa szandarów mògła ùretac żëcé òjcu białczi, jakô achtnãła jich pòstawã w lësce wësłónym do kòmendanta.

Krézowi Kòmendant Pòlicje w Lãbòrgù Leszk Głuchòwsczi ùprzëstãpnił w mediach zamkłosc e-maila, jaczi trafił do niegò we strzodã ósmégò rujana. Swòje pòdzãkòwanié przekôzała białka, jakô w pòniedzôłk szóstégò rujana reno zwrócëła sã ò pòmòc do patrolu pòlicje kòl wòjskòwi jednostczi w Lãbòrgù. Czerowała tedë aùtołã, w jaczim wiozła swòjégò òjca. Ten béł mòcno zreniony méchaniczną żôgą. Brëkòwôł, żebë mù natëchstopach pòmòglë w bòlëcë. Béł krótkò ùtratë przëtomnoscë i w zagrôżbie żëcégò. Szandarzë włączëlë zwãkòwé ë widowé zygnale i eskòrtowelë ji aùtół przez gard, jaż do bòlëcë. Tam szandarka z patrolu jesz pòmògła zrenionémù chłopù wësadnąc z wòzu i bëła kòl niegò, jaż nie przejãlë gò lékarze, a szandara pòmógł białce òdstawic aùtół na parking. To wszëtkò òna òpisała w swòjim lësce do kòmendanta. Prosëła ò przekôzanié patrolowi pòdzãkòwaniô i pòwinszowanié bëlny pòstawë.

H.S.Sz.