Reklama

Pòdzãkòwôł szandaróm, że gò zatrzimelë

Klëka

28/10/2025 13:50

Z Kaszëb, Pòdzãkòwôł szandaróm zatrzimelë - zdjęcie, fotografia

Ùzanôleżniony òd narkòtików chłop pò interwencje dôł sã na zjinakã swòjégò żëcégò. Je ju na drëdżim etapie terapie.

Krézowô Kòmenda Pòlicje w Kòscérznie ùprzëstãpniła zamkłosc maila dostónégò w tim miesącu. Jegò aùtór przekôzôł pòdzãkòwania dlô szandarów z drogòwégò patrolu, jaczi gò zatrzimôł latos dwadzestégò stëcznika w Dãbògórach w gminie Kòscérzna. Tedë pò pòdezdrzeniach nietrzézwòscë i pòbranim jegò krëwie do badérowaniów òkôzało sã, że sztërdzescelatny chłop béł pòd cëskã amfetaminë. Grozëło mù do trzech lat sôdzë. W lësce wësłónym na kòmendã òpiséwô òn równak, jak pò zatrzimanim ùznôł, że je ùzanôleżniony òd amfetaminë i mùszi zmienic swòje żëcé. Zapisôł sã na terapiã do Òstrzódka Terapie Ùzanôleżnieniów we Gduńskù, gdze terô je na drëdżim etapie terapie. Scwierdzył, że òd miesący ceszi sã trzézwòscą i że pòmòglë mù tam zrozmiôc, jak dzejają méchanizmë i schematë nôłogù. Wërazył wiôlgą wdzãcznotã za rzetelną robòtã patrolówców. Kòmenda bëła mileczno zaskòknionô dostóną wiadą. „Dzejómë pò to, żebë chronic lëdzczé żëcé ë zdrowié, a jeżlë przë leżnoscë mòżemë pòmòc kòmùs wrócëc na dobrą drogã – to je dlô naju ta nôwikszô nôdgroda” – pòwiedzôł Krézowi Kòmendant Pòlicje w Kòscérznie Radosłôw Kałaska.

H.S.Sz.