Ùmarłi béł zasłużony dlô Chmielna i Kaszub. Na pògrzéb kanãło wiele lëdzy, jaczi zechcelë òddzãkòwac sã z bëlnym dzejarzã kùlturë.
We wtórk 19. smùtana w Chmielnie béł pògrzéb ùmarłégò trzë dni przódë Tadeùsza Makòwsczégò, jaczi dzejôł jakno mùzyk, ùtwórca jinstrumentów i gadësz, znóny z pòpùlarizowaniô kaszëbsczi kùlturë a téż gminë Chmielno.
Nabòżeństwò w parafialnym kòscele w Chmielnie zaczãło sã ò gòdzënie 10 do pôłnia, a pò nim ùmarłi òstôł w ti slédny stegnie òdprowadzony na smãtôrz. Ùroczëznie towarzëła pòczestnô gra na bazunach. Na pògrzebie bëła rodzëzna, drëchòwie, przedstôwcowie kaszëbstwa i gminë Chmielno, a téż mieszkańcë wsë. Ò zasługach Tadeùsza Makòwsczégò gôdelë m.jin. wójt gminë czë nôleżnicë karna „Pleskòta”, jaczé ùsadzył ùmarłi. Na prosbã rodzëznë nie bëło wczas pòchówkù widzec kwiatów – nôblëższi zabédowelë, żebë miast je kùpac, dac dëtczi na Kartësczé Hospicjum Dodóm Nôdzeji.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie