Reklama

Piãc miliónów òfiarów holokaùstu zwerifikòwóné

Klëka

05/11/2025 09:40

Aùtór: Mrbrefast; zdrzódło: https://en.wikipedia.org/wiki/Yad_Vashem#/media/File:Eternal_Flame_and_Concentration_Camp_Victims_Memorial.jpg

Je wiedzec miona piãc szóstëch ze wszëtczich zabitëch òb czas zagładë Żëdòw. Pòmògłë w tim nônowszé téchnologie.

Jeruzalemsczi institut Jad Waszem, jaczi zajimô sã dokùmentacją i przëbôcziwanim òfiarów holokaùstu, dôł do wiadë, że ùdało sã przekroczëc lëczbã piãc miliónów zidentifikòwónëch òfiarów. Cawnô jich sëma je taksowónô na szesc miliónów. Zbiéranié infòrmacjów ò zabitëch dérowało dzesãclata. Wikszosc z nich ni mô grobów ani nie òstôł sã pò nich niżóden materialny szlach. Dlôte badérowania bëłë òpiarté ò relacje rodzëznów i lëdzy, co holokaùst przeżëlë, a téż analizã dokùmentów i archiwów. W slédnym czasu baro to dzejanié ùrëchlëło wëzwëskanié sztëczny inteligencje. Institut Jad Waszem je dbë, że mòże ùdô sã nalezc pòdôwczi jesz dwasta piãcdzesąt tësący òsób, ale mést nôzwëska wszëtczich òfiarów do nédżi nigdë ju sã nie nańdą. Brzôd robòtë institutu mòże òbzerac na jich internetowi starnie, jakô dôwô przistãp do bazë pòdôwków z mionama, nôzwëskama i môlama ùrodzeniô abò zamieszkaniô przed wòjną.

H.S.Sz.

Załączniki