Reklama

Pierszô albańskô cyberministerka

Klëka

13/09/2025 21:00

Premiéra Albanie ògłosył, że òbrzészczi ministra òd pùblicznëch kòntraktów przejimie system sztëczny inteligencje wëzwëskiwóny w cyfrowim pòrtalu dlô òbëwatelów.

We czwiôrtk jednôstégò séwnika na zetkanim Socjalisticzny Partie Albanie w Tiranie przédnik partie a téż rządu, premiéra Edi Rama, ògłosył zjinaczi w ministerialnëch stanowiszczach. Pierszi rôz jeden z ministrów mô nie bëc człowiekã. Ministerką òd pùblicznëch kòntraktów mô òstac dotądka znónô òbëwatelóm jakno wirtualnô asysentka na platfòrmie e-Albania Dialla, pòstacjô z awatarã białczi w tradicjowim albańsczim stroju, òbsłëgiwónô przez sztëczną inteligencjã. Jak wëłożił premiéra, Dialla bãdze przejimac kómpetencje rôz za razã pòd lëdzką kòntrolą, ale ùdbóné je, żebë prawie sztëcznô inteligencjô przejimnãła òbrzészczi òkòma rozrzesziwaniô ùtrôpów, co mô zaradzëc na wielné zbòjania ò kòrupcjã w ti òbéńdze. Ta decyzjô je pòstãpnym kraczajã w albańsczi biôtce z kòrupcją, co je mùszebné z pòzdrzatkù na ambicje tegò kraju do doparłãczeniô do Eùropejsczi Ùnie.

H.S.Sz.