Reklama

Piôsznicczé Mùzeùm wëprzedôwô zachë

Klëka

30/11/2025 18:43

Òdj. https://muzeumpiasnickie.pl/muzeum/willa-pankow

Do kùpieniô są rzeczë codniowégò ùżiwkù, w wikszoscë nowé ë nijak niebrëkòwné do fùnsknérowaniô mùzeùm.

Mùzeùm Stutthof ògłosëło wëprzedôż sprzãtu. Béł òn kùpiony przez ùszłą direktórkã Piôsznicczégò Mùzeùm we Wejrowie, jaczé òd dwa tësące piãtnôstégò rokù dzejô jakno òddzél mùzeùm Stutthof. Teréza Patsidis na céle mùzeùm miała kùpioné zachë, jaczé wëchôdałë bùten tipicznégò ekwipùnkù mùzeùm, w tim sztërësta krzasłów, dzesãc kòłów, skùter, fritkòwnicã, zmëwôrkã, mrożącą szafã, gazówkã, kònwekcjowò-ropòwi piéck, edukacjowé klocczi i skùter. Dzél z tegò béł wëzwëskóny rôz na òdemkniãcym mùzeùm, dzél służił w mùzealny kawiarnie, a co do nédżi nie je wiedzec, dlôcze mùzeùm jã miało. Teréza Patsidis òprzestała bëc direktórką Piôsznicczégò Mùzeùm dwa lata nazôd, czej zastąpiła jã Magdaléna Sacha. Fùlnô lësta wëprzedôwónëch zachów z jich wôrtnoscą je przistãpnô na internetowi starnie Mùzeùm Stutthof.

H.S.Sz.