Sztërdzescësztërëlatny chłop béł rozgòrzony, że sąd dôł zgòdã na rozdënk. Szandarzë zascyglë gò, niglë zwënégòwôł swój plan.
Pòd kùńc ùszłégò tidzenia na pòlicjã trafiło zgłoszenié òd białczi z gminë Bëtowò. Rzekła, że ji chłop, czej doznôł sã ò zakùńczenim jich rozdënkòwi rozprawë na ji zwësk, zagrozył przë swòji córce, że jedze zabic białkã i spalëc ji chëcz. Spakowôł do rubzaka seczerã, maczetã, baseballowi czij, wzął téż baniôk òpału i wsôdł na kòło żebë zjiscëc swòjã ùdbã. Zaalarmòwóny szandarzë z Bëtowa zatrzimelë równak sztërdzescë sztërë lat stôrégò chłopa niglë ten dojachôł do célu. Ju przódë grozył białce i miôł dostóny sądowi zakôz zblëżaniô sã do ni. Sąd wëdôł nakôz aresztowaniô na trzë miesące. Ùczuł òbwinë grozbów, złómaniô zakazu zblëżaniô sã i przërëchtowaniô do mòrdarstwa. Mòże za to trafic do sôdzë na piãtnôsce lat.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie