Reklama

Pôlenié Jiwana w Żukòwie

Klëka

02/11/2025 12:28

Aùtór: Polimerek; zdrzódło: https://pl.wikipedia.org/wiki/Cmentarz_%C5%BBo%C5%82nierzy_Radzieckich_w_%C5%BBukowie#/media/Plik:Zukowo_Pomnik_zolnierza_SU.jpg

Kòntrowersjowô sztatura sowiecczégò zôłnérza je òbwitô fòlią, ale tã chtos pòdpôlił. Wedle pòlicje to nie béł pòliticzny manifest – pòdpôlajcë mielë bëc kòl dwanôsce lat stôri.

W piątk trzëdzestégò pierszégò rujana przed dzesątą w nocë w Żukòwie kòl sowiecczégò cerpiszcza przë szasëje Gdińsczi wëbùchł òdżin. Chtos pòdpôlił fòliã, jaką òd trzech lat òbwiti je stojący tam pamiãtnik sowiecczégò żôłnérza, zwóny Jiwanã. Wezwóné bëłë ògniarsczé półczi z Żukòwa i Kartuz. Òdżin béł niegrozny. Pò krótczich òbezdrzënach służbë scwierdzëłë, że sama sztatura nie òstała ùszkòdzonô. Dosc chùtkò pò przëzdrzenim sã zapisënkôm mònitoringù pòlicjô ùznała, że sprôwcama są nôgwësni dwaji dwanôscelôtkòwie, jaczich mionów szandarzë jesz sã nie wëdowiedzelë. Piérwi pòdpôlëlë fòliã, a pòtemù pòlelë pòmnik jakąs niewiadomą substancją, a tej ùceklë. Jeżlë ùdô sã nalezc pòdpôlajców, mògą nawetka trafic do ùprawczégò zôkładu.

H.S.Sz.