Lëstë, przesélczi, rechùnczi i fakturë nie dochôdają. Jeden brifka nie je w sztãdze òbsłëżëc całi gminë. Pòczta zagwësniwô, że mdze szëkac za rozrzeszenim jiwru.
Mieszkańcë gminë Lëzëno skôrżą sã na stolëmné òpózdnienia w dotëgòwiwanim lëstów i przesélków przez Pòlską Pòcztã. Są przëtrôfczi nawetka miesąców bez realizacje przesélënkù. Jiwer mają nié blós sami mieszkańcë, ale téż wëszëznë gminë, chtërne wëséłają jima fakturë i rechùnczi za media, le pòczta jich nie donôszô do dodomów, przez co ùrząd gminë mùszi ùgadëwac sã z mieszkańcama na jinszé fòrmë przekazéwaniô dokùmentów.
Wójt gminë Lëzëno Jarosłôw Wejer pòdrechòwiwô tã stojiznã w słowach: „Dzysô mògã scwierdzëc, że to je czësti szërmëcel. Pòlskô Pòczta na terenie gminë Lëzëno prakticzno òprzestała dzejac”. Przódë 21 rujana wójt dostôł wiadã òd pòcztë, że bãdze òna wprowôdza òrganizacjowé zjinaczi, jaczé nie bãdą miałë cëskù na kwalitet ùsługów. Timczasã skùtk je taczi, że za dotëgòwiwanié lëstów w całi gminie mô òdpòwiadac blós jeden brifka.
Pòlskô Pòczta przëznôwô, że felëje brifków. Deklarëje pòdjimniãcé dzejaniów dlô sztabilizacje stojiznë i szukanié za brifkama na ùmòwã na zlecenié czë zastãpstwa za tëch, co są dzys na dłudżich lékarsczich zwòlnieniach.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie