Pòlét aresztowaniô za wòjnã w Conie Gazë. Netanjahu strzód òbskôrżonëch

Decyzjô Midzënôrodnégò Sztrôfnégò Tribùnału tikô sã òbëdwùch starnów biôtczi cygnący sã òd atakù Hamasu na Izrael 7. rujana 2023.

We czwiôrtk 21. smùtana Midzënôrodny Sztrôfny Tribùnał w Hadze wëdôł nakazë aresztowaniô za premiérą Izraela Benjaminã Netanjahu, ùszłim izraelsczim ministrã òbarnë Joawã Gallantã, a téż wódcą Hamasu Mohammedã Deifã. Òstałë wëdóné w związku z dzejaniama na wòjnie w Conie Gazë.

Netanjahu i Gallant òstelë òbskôrżony ò ùmëslné òdcãcé cywilnémù lëdztwù z Conë Gazë przëstãpù do jedzeniô, wòdë i lékarstwów, co miało bëc métlã prowadzeniô biôtczi z Hamasã. Mają téż bëc winny mòrdarstwów i jinszich nielëdzczich czënów. W reakcje na te òbwinë Izrael, jaczi nie je sygnatariuszã Rzimsczégò Sztatutu i nie ùznôwô aùtoritetu Tribùnału, scwierdzył, że jegò decyzjô je procëmsemickô, a wòjna prowadzonô z Hamasã òd 7. rujana 2023 je sprawiedlëwô.

Mohammed Deif béł strzód trzech jinëch wódców Hamasu, procëm chtërnym prokùratura MST przódë kôzała rëgnąc z procesã. Izrael infòrmowôł ò zabicym wszëtczich trzech, le w przëtrôfkù Deifa prokùratura Tribùnału nie bëła w sztãdze pòcwierdzëc jegò smiercë. Je òbskôrżony ò stosowanié w wòjnowëch dzejaniach mòrdarstwów, eksterminacje, torturów i seksualny przemòdżi. Hamas nie skòmentowôł ti òbwinë. Równak w swòjim kòmùnikace Basen Naim, jeden òd jich liderów, òbwinë dlô izraelsczich pòlitików pòzwôł „krokã w czerënkù sprawiedlëwòscë”.

H.S.Sz.

We czwiôrtk 21. smùtana Midzënôrodny Sztrôfny Tribùnał w Hadze wëdôł nakazë aresztowaniô za premiérą Izraela Benjaminã Netanjahu, ùszłim izraelsczim ministrã òbarnë Joawã Gallantã, a téż wódcą Hamasu Mohammedã Deifã. Òstałë wëdóné w związku z dzejaniama na wòjnie w Conie Gazë.

Netanjahu i Gallant òstelë òbskôrżony ò ùmëslné òdcãcé cywilnémù lëdztwù z Conë Gazë przëstãpù do jedzeniô, wòdë i lékarstwów, co miało bëc métlã prowadzeniô biôtczi z Hamasã. Mają téż bëc winny mòrdarstwów i jinszich nielëdzczich czënów. W reakcje na te òbwinë Izrael, jaczi nie je sygnatariuszã Rzimsczégò Sztatutu i nie ùznôwô aùtoritetu Tribùnału, scwierdzył, że jegò decyzjô je procëmsemickô, a wòjna prowadzonô z Hamasã òd 7. rujana 2023 je sprawiedlëwô.

Mohammed Deif béł strzód trzech jinëch wódców Hamasu, procëm chtërnym prokùratura MST przódë kôzała rëgnąc z procesã. Izrael infòrmowôł ò zabicym wszëtczich trzech, le w przëtrôfkù Deifa prokùratura Tribùnału nie bëła w sztãdze pòcwierdzëc jegò smiercë. Je òbskôrżony ò stosowanié w wòjnowëch dzejaniach mòrdarstwów, eksterminacje, torturów i seksualny przemòdżi. Hamas nie skòmentowôł ti òbwinë. Równak w swòjim kòmùnikace Basen Naim, jeden òd jich liderów, òbwinë dlô izraelsczich pòlitików pòzwôł „krokã w czerënkù sprawiedlëwòscë”.

H.S.Sz.