Drëszné pòtkanié młodëch z ùszłotą je òrãdzą do wëmianë wspòmnieniów i pòzdrzatków na dzysdniową a téż przińdńą stojiznã kaszëbiznë.
W sobòtã 14. gòdnika Karno Sztudérów „Pòmòraniô” zòrganizowało przedgòdowé pòtkanié „Wilëjô w Chëczë” w Łątczińsczi Hëce. Strzód bëtników béł m.jin. ùszłi nôleżnik karna, senatór RP Kazmiérz Kleina, chtëren przëszëkòwôł w darënkù dlô Pòmòrańców wizerënk kartë dòwnégò Pòmòrzégò. Pòdsztrichiwôł brëkòwnotã całownégò zdrzeniégò na jegò historiã jakno pòspólny spôdkòwiznë Kaszëb.
– „Wilëjô w Chëczë” w Łątczińsczi Hëce to je mòżlëwòta pòtkaniô sã lëdzy, jaczi terô są w najim karnie, ale téż tëch, chtërny ju z niegò wëszlë, a wczasni zajimelë sã pòmòrańsczima dzejaniama, z jaczich më terô mòżemë kòrzëstac. Je to czas, w jaczim më mòżemë sã pòtkac w karnie naji môłi rodzëznë” – wëwidniwô przédniczka Karna Sztudérów Pòmòraniô Marta Majewskô. Rok w rok „Pòmòraniô” gòscy na ti swiąteczny rozegracje drëchów i wespółrobòtników karna.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie