20 gòdnika bëła slédnô latosô sesjô sejmikù pòmòrsczégò wòjewództwa. Nôwôżniészim ji pùnktã bëło welowanié ò przëjimniãcym bùdżetu na przińdny rok. Wedle planów wëdôwczi bãdą wikszé jak 2,7 mld zł. Jaż 53% ti sëmë mô jic na inwesticje.
– Zwikszóné są strzódczi m.jin. na transpòrt, edukacjã i kùlturã – gôdô marszôłk Mieczisłôw Struk.
Wzątczi są zaplanowóné na 2 499 851 681 zł, tej bùdżetowi deficyt mô sëgac 350 tës. zł. Stwòrzoné òstałë téż dwie rezerwë: òglowò (25 mln zł) i célowé (75 mln zł). Za taczim bùdżetã welowało 23 radnëch, a 9 radnëch z PiS strzimało sã òd głosu.
Wicy mòżeta przeczëtac na https://pomorskie.eu.
Òb czas sesji bëła téż gôdka ò czile jinëch sprawach. Òpòwiedza nama ò tim radnô z Kòscérznë Béata Jankòwskô, chtërny dzãkùjemë za wespółrobòtã z najim pòrtalã.
Twoje zdanie jest ważne jednak nie może ranić innych osób lub grup.
Komentarze opinie