Fùndacjô òdemkła zbiérkã w Intetnece – brëkòwné je dzesãc tësący złotëch.
Dzejającô w Trzëgardze i òkòlim prozwierzëcô òrganizacjô non-profit Pòmòrskô Fùndacjô Mniészi Bracô mô jiwrë z dëtkama. Z pòmòcë niedôwno wëcopôł sã jeden z przédnëch dobrzińców, przez co òrganizacje nie sygô dëtków na òpôł do brëkòwónëch przez niã aùtołów. Rëgnãła internetowô zbiérka na dalszé dzejanié fùndacje – na nôblëższé miesące brëkòwné je dzesãc tësący złotëch. Òrganizacjô zajimô sã direktną pòmòcą bezdomôcym zwierzãtóm a téż spòlëznowim dzejanim w jich sprawie. Aktiwiscë ùrządzają jich łapanié, rzezbòrzenié, weterenarijné przezérczi i adopcje nié blós na pòjedińcznëch sztëkach, ale téż całëch karnach zdzëwiałëch zwierzãt, jaczé żëją òkòma Trzëgardu – na wëjazdë do nich brëkòwny je òpôł do ùżiczonëch aùtołów. Dôwają téż wëkładë w szkòłach i bédënczi prawnëch i administracjowëch zjinaków, chtërne miałëbë pòmòc z jiwrã bezdomôcoscë zwierzãt. Pòwrózk do zbiérczi: https://zrzutka.pl/h45dxt
Twoje zdanie jest ważne jednak nie może ranić innych osób lub grup.
Komentarze opinie