Nôwikszô w historie awariô sztrómù na Iberijsczim Półòstrowie nôgwësni nie bëła skùtkã cyberatakù. Pòrtugalczicë wskazéją na nagłé zmianë wiodra.
W pòniedzôłk dwadzestégò ósmégò łżëkwiata òprzëpôłnié na Iberijsczim Półòstrowie doszło do stolëmny awarie sztrómù. W Szpańsce nie bëło gò ù pòłowë òdbiérców, a pòrtugalsczi òperatorzë pòdôwelë, że awariô òbjimnãła całi krôj. Nie bëło internetu, stanãłë banë i metra, òprzestałë dzejac bankòmatë, a bòlëcë pòprzechôdałë na awariowé zarządzanié. Służbë zachãcëłë òbëwatelów, żebë jak nômni jezdzëc aùtołama. Òperatorzë energie w Szpańsce rzeklë, że w dzesãc gòdzyn òd wëstąpieniô awarie jadra miałë bë bëc ùprawioné. W Pòrtugalsce przëwrócenié spòsobnoscë dzejaniô całémù systemòwi mô zajic jaż tidzéń. Mni pòwôżné przerwë w dotëgòwiwanim sztrómù bëłë téż w Andorze i w pôłniowò-zôpadny Francje. Rządë Szpańsczi ë Pòrtugalsczi zòrganizowałë krizysowé pòtkania. Nie je jesz wiedzec, co na gwës bëło przëczëną wëstąpieniô awarie. Nic nie wskazéwô na to, żebë doszło do cyberatakù. Pòrtugalsczi òperator Ren scwierdzył, że jiwer pòchôdô ze szpańsczich jadrów, a winne bëłë slédné òstré zmianë temperaturë, co zachwiądło napiãcym na liniach nôwëższich napiãców.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie