Reklama

Półtora tësąca islamistów wëpùszczoné z sôdzë

Klëka

21/01/2026 12:30

Map of Syria in October 2019. SDF-controlled territory (green) and territory it claims but which was occupied by Turkish troops (red). Òdj. Editor abcdef; zdrzódło: https://en.wikipedia.org/wiki/Syrian_Democratic_Forces#/media/File:Claimed_and_de_facto_territory_of_Rojava.png

Ùsadzony w kùrdijsczi prize bëlë direktno zrzeszony z biôtkòwnikama dzejającyma na terenach Syrie zajimónëch przez Islamsczé Państwò jesz sétmë lat nazôd.

W niedzelã syrijsczi rząd pòdpisôł mirny ùgôdënk z Syrijsczima Demòkraticznyma Sëłama, wòjskòwą òrganizacją Kùrdów. Biôtczi midzë tima starnama znowiłë sã w tim miesącu i ùgôdënk miôł je strzëmac, le krótkò pò jegò wéńscym w żëcé barniô zôs wëstrzelëła. W tim czasu równak kùrdijsczé sëłë wëcopałë sã z gardu Asz-Szaddad na wschòdze Syrie. Òstawiłë tam sôdzã, z jaczi krótkò pò òbjimniãcym gardu przez rządowé sëłë wëszła machtnô lëczba sôdzewëch. Rzecznik Syrijsczich Demòkraticznëch Sył Farhad Szami pòdôł, że westrzód nich bëło kòl tësąc piãcset biôtkòwników Islamsczégò Państwa. Bëlë to tak òbëwatelë Syrie jak cëzyńcë. Ò jich ùwòlnienié Kùrdowie winëją grëpë zrzeszoné z rządã. W pòniedzôłk, jesz przed wińscym z gardu, Kùrdowie słelë w swiat wiadã ò atakòwanim sôdzë przez syrijską armiã. Ji przedstôwcë temù przékòwelë, a kòalicjô prowadzonô przez Zjednóné Stanë nie òdpòwiedzała na jich prosbë ò pòmòc.

H.S.Sz.

Załączniki