Szandarzë wespół z ògniarzama przeprowadzëlë akcjã, dzãka jaczi ùdało sã zabrac czilemiesãczné dzeckò na badérowania do bòlëcë.
We czwiôrtk dwadzestégò sódmégò gromicznika reno gduńsczi szandarzë w òdpòwiescë na rené zgłoszenié pòjachelë na szasëjã Do Stëdzónczi we Wrzészczu. Weszlë do pùstégò bùdinkù, gdze miała bëc pôra bezdomôcëch z czilemiesãcznym dzeckã. Pòmòc jima mùszelë ògniarze, jaczi na mòc wëłómilë dwiérze. Bënë służbë nalazłë sztërdzescëlatną białkã, chtërna jesz ùprzédnégò dnia òpùscëła òstrzódk pòmòcë dlô sómnëch białków. Béł tam téż trzëdzescëòsmëlatny chłop, jaczi próbòwôł sã zatacëc przed szandarama za scaną z gipsu, a téż pies. Wkół w zëmnym placu bëło téż skòpicą niedokùrzajków, biksów pò piwie i brëdu. Tósz òstôł zabróny przez robòtników schroniszcza dlô zwierzãt, a dzeckò do bòlëcë na badérowania. Co bãdze z dzeckã dali – zdecydëje sąd.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie