Protestë procëm premiérze doprowadzëłë gò do ùstąpieniô z ùrzãdu. Zawiniła przińdnô sënowô.
Premiéra Mòngôlsczi Luwsannamsrajn Òjun–Erdene zeszedł z ùrzãdu pò wielnëch protestach wzéwającëch gò do ùjawnieniô swòjégò majątkù i ùstąpieniô. Rządzył sztërë lata i bãdze pôłnił swòje òbrzészczi jesz trzëdzescë dni, do czasu jaż wëbierzą jegò nastãpnika. Protestë bëłë reakcją na òdjimczi, jaczé przińdnô sënowô Òjun-Erdenégò ùprzëstãpniła w internece z leżnoscë zrãkòwin. Bëło na nich widzec jã i sëna premiérë na priwatny lecbie helikòpterã. Chwôlëła sã téż dostónyma òd niegò piestrzónkã, taszą i luksusowim aùtołã. W związkù z wątplëwòtama ò pòchòdzënk dochòdów rodzëzna premiérë òstała òbskôrżonô ò kòrupcjã. Sóm Òjun-Erdene przed òbjimniãcym ùrzãdu gôdôł, że pòchôdô z biédnégò dodomù. Kòrupcjô strzód przedstôwców mòngòlsczich wëszëznów je szerszim tôklã. Nôterné bògactwa kraju przënôszają zwësk môłim grëpôm zrzeszonym z włôdzama, czej òbëwatelóm drãgò je wëżec z wëpłatów i corôzka czãscy mùszą pòżëczac dëtczi na żëcé.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie