Reklama

Prezydent Serbie winowóny ò pòmòc w strzélanim do cywilów

Klëka

20/03/2026 19:48

Aleksandar Vučić. Òdj. © European Union, 2025; zdrzódło: https://pl.wikipedia.org/wiki/Aleksandar_Vu%C4%8Di%C4%87#/media/Plik:Aleksandar_Vu%C4%8Di%C4%87_2025_(cropped).jpg

Bògati lubòtnicë strzélny barnie płacëlë za to, żebë mòc jã przetestowac na lëdzach w Sarajewie. Aleksander Vučić miôł służëc w jich eskòrce.

W procesu prowadzonym przez mediolańską prokùraturã w sprawie „lëdzczich safari” w Sarajewie òb czas wòjnë w Bòsnie w dzewiãcdzesątëch latach przëzdrzą sã sprawie Aleksandra Vučića. Terny prezydent Repùbliczi Serbie miôł tedë służëc w òddzélach czetników jakno dobrowòlny żôłnérz pòd wództwã Slavkò Aleksića. Chòrwacczi gazétnik Domagòj Margetić za dokazë pòkôzôł protokòłë z zélnika tësąc dzewiãcset dzewiãcdzesątégò drëdżégò rokù, z rozkazã wëdaniô Vučićowi półaùtomaticzny gewérë, a téż z pòstãpnëch lat. Tam ò Vučiću je napisóné, że pòmôgôł w eskòrtowanim gòsców zeza grańcë, jaczim serbsczé wòjskò pòzwôlało mierzëc ze swòjich pòzycjów do żëwëch célów. Prezydent Serbie cwiardo przékùje tim wiadóm. Na kònferencje w Belgradze z ùdzélã przedstôwców Zjednónëch Stanów i zôpadnëch Bałkanów Vučić gôdôł, że nigdë nikògò nie zabił ani nie zrenił, ani téż nigdë w rãce ni miôł flińtë. Rząd wspiérô swòjégò prezydenta i doniesenia chòrwacczégò gazétnika nazwôł dezinfòrmacją a dokùmente falszëwima. Materiałóm przëzdrzi sã mediolańskô prokùratura.

H.S.Sz.

Źródło i opracowanie własne