Mieszkańcë bãdą mielë wicy czasu na naceszenié sã zëmòwą atrakcją. Drobnotë co do fùnksnérowaniô òbiektu bãdą pòdóné w nôblëższi czwiôrtk.
Ju na zôczątkù gòdnika w Bëtowie kòl basenu przë sz. Mickewicza mô bëc òdemkłô krëtô pùrgówka ò wiéchrzëznie 600 m², jaką szlachòwno jak rok dowsladë pòstawi firma HCTRADE z Bielska-Biôłi. Łoni òdemkniãcé pùrgówczi bëło wiele pózdni, bò dopiérze 21. gòdnika. Nadchôdający zëmë Bëtowiôcë bãdą mòglë ceszëc sã lodowiszczã jaż do kùńca gromicznika 2025. Czerownikã òbiektu zôs bãdze Krësztof Kôłpińsczi z Bëtowa.
Łońsczégò rokù pùrgówka ùwidzała sã mieszkańcóm Bëtowa. Strzédno òdwiédzało jã kòl 500 lëdzy dzéń w dzéń. Brëkòwnicë chãtno ùżiwelë téż wëpòżëczalnie szrëców. Bédowóné bilietë pòzwòliwałë na jedno weńscé bez limitu czasu. Indiwidualny gòsce mòglë wchadac òd pòniedzôłkù i piątkù w gòdzënach òd 2 pp. do 9 wieczór (14.00–21.00), a w weekendë òd 9 reno do 9 wieczór (9.00–21.00). Jesz nie je wiedzec jak bãdze to dzejało latos. Pòtkanié, chtërno rozrzeszi te wątplëwòtë, bãdze w czwiôrtk 14. smùtana.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie