Reklama

Prokùratura chce smiercë dlô prezydenta

Klëka

17/01/2026 16:19

Yoon Suk-yeol. Office of the President of South Korea - 대한민국 대통령실; zdrzódło: https://pl.wikipedia.org/wiki/Yoon_Suk-yeol#/media/Plik:South_Korea_President_Yoon_Suk_Yeol_portrait.jpg

Òd tësąc dzewiãcset dzewiãcdzesątégò sódmégò rokù w Pôłniowi Kòreji nie wëkònelë niżódny smiertny sztrôfë, ale taczé wëroczi wcyg zapôdają.

Ùszłi prezydent Pôłniowi Kòreji, Jun Suk Jeol, je sądzony w Seùlu. Procëm niemù rëgnãło òsmë sztrôfnëch procesów zrzeszonëch z jegò dzejaniama pòd kùńc niłońsczégò rokù, czej wprowadzył wòjnowi ùstôw i próbòwôł strzëmac parlament przed jegò òdwòłanim. Pierszi proces je ju za nim. Za wëzwëskiwanié rządowi òchrónë do strzimaniô swòjégò aresztowaniô òstôł skôzóny na piãc lat sôdzë. Nôpòwôżniészi proces ò pùcz dopiérze przed nim, a òd jegò wënikù zanôlégô jegò żëcé. Prokùratura domôgô sã sztrôfë smiercë dlô ùszłégò prezydenta. Òn sã tłómaczi, że wòjnowi ùstôw ni miôł długò bawic, le robic za òstrzégã przed dzejaniama òpòzycje w parlamence. Tã Jun Suk Jeol winowôł ò zagrôżanié kònstitucjowémù òrnągòwi ë przëstôjanié célóm Nordowi Kòreji wedle Pôłniégò.

H.S.Sz.

Załączniki