Minka latos na zymkù òstała matką, a terô pò Tëchòlsczich Bòrach ji wôłczãta chòdzą z samim òjcã.
Badérowie z Gduńsczégò Ùniwersytetu złożëlë do prokùraturë zawiadomienié ò przesprawie – zabicym przedstôwczczi òstro chronionégò gatënkù i znikwieniô télemétricznégò nôszijka ò wôrtnoscë kòl trzënôsce tësący złotëch. Chòdzy ò wôłczëcã Minkã, jakô òsoblëwie przëcygała ùwôgã badérów pò òszczenienim sã latos na zymkù. Slédny sygnał z ji nôszijka przëszedł trzënôstégò zélnika ò sôdmi wieczór z gminë Òsek w starogardzczim krézu. Pòstãpny miôł przińc ò pierszi w nocë, ale ju wicy sygnału nie bëło. Wedle teòrie badérów w tim czasu wôłczëca mùszała òstac zastrzélonô przez jachtarza, jaczi pòtemù ùmëslno znikwił nôszijk, żebë ùkrëc swòjã przesprawã. Pòcwierdzywają to pòwstałé pózni nagrania z fòtołapiców, na jaczich widzec młodé Minczi razã z jich òjcã, Krótczim Ògònã. Badérowie z Gduńska pòdczorchiwają, że to leno jeden z wiele przëtrôfków nielegalnégò jachtowaniô na wôłczi – jedna trzecô tëch z télemétricznyma nôszijkama w Pòlsce dżinie, nôczãscy z rãczi jachtarzów.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie