Reklama

Protest w Czelnie procëm przeladownie òdpadów

Klëka

03/02/2026 20:20

Z Kaszëb, Protest Czelnie procëm przeladownie òdpadów - zdjęcie, fotografia

Lëdze z transparentama pòd dozérã pòlicje blokòwelë szasé. Jidze ò rozbùdowã firmë lokalnégò bismóna.

W pòniedzôłk drëdżégò gromicznika na szasym z Czelna do drodżi S6 protestowelë mieszkańcë Czelna, Bòjana, Kòleczkòwa i Dobrzewina. Jidze ò planowóną rozbùdowã firmë Stachtrans Stanisława Milewczika. Bismón chce na terenie zakładu w Czelnie ùsadzëc pùnkt przeladënkù òdpadów kòmùnalnëch i biodegradowalnëch. Mieszkańcë mają strach przede wszëtczim ò trzôsk i pôchã, jakô bãdze sã niosła òd òdpadów. W òkòlim je kòl piãcdzesąt chëczów-pôrników, ale smiard òd smiecarków mòże sã niesc jesz dali, co nômni do półtora kilométra. To dzesãc razy wicy, jak wskazéwô rapòrt zrëchtowóny przez bùtnową firmã dlô inwestora. Milewczik doparłãcził ten rapòrt do wnióskù do wójta gminë Szëmôłd, jaczi prosył ò òpiniã pòdwëższé pòdmiotë. Strach je téż ò to, że do przeladënkòwi stacje bãdze jezdzëc wicy cãżarowëch aùtołów wëżi dzesãc tón. Timczasã droga ni mô deptownika ani wòlny stronë i mieszkańcë ju terô bòją sã pùszczac nią dzecy do szkòłë. Firma Stachtrans wëdała òswiôdczenié, w jaczim deklarëje, że ji dzejanié nigdë dotąd nie szkòdzëło i nie bãdze szkòdzëc strzodowiszczu ani mieszkańcóm. Zaprzékòwała téż temù, żebë stôwiónô stacjô miała robic za skłôd òdpadów, bò służëc bãdze leno jich zbiérowi i przetwôrzaniu.

Na spòdlim:
https://dziennikbaltycki.pl/mieszkancy-mowia-nie-przeladunkowi-odpadow-w-kielnie-w-mrozie-wyszli-protestowac/ar/c1p2-28691191

Źródło i opracowanie własne