W rodnym gardze Michaela Bonda, ùtwórcë pòstacje Miedzwiôdka Paddingtona, ùkredlë sztaturã jegò heroji.
Łoni w dwadzesce trzech môlach we Wiôldżi Britanie pòstawilë pòmniczi lëteracczi pòstacje Miedzwiôdka Paddingtona, stwòrzony przez anielsczégò pisarza Michaela Bonda. Łôwkòwi pòmnik miedzwiôdka przë Northbrook Street w Newbury, rodnym gardze aùtora, òstôł mòckò ùszkòdzony w ten weekend, w nocë z sobòtë na niedzelã (z pierszégò na drëdżégò strëmiannika). Sprôwcë rozcãlë sztaturã miedzwiôdka na pół i ùkredlë przédny part. Szandarzë baro chùtkò, bò ju w niedzelã nalezlë i zatrzimelë sprôwców. Bëlë to dwaji dwadzescedwalatny chłopi z anielsczich gardów Thorton i Enderby, jaczé za ùszkòdzenié i kradélstwò pùblicznégò miectwa mają òdpòwiedzec dwadzestégò piątégò strëmiannika w Rejonowim Sądze w Reading. Ùdało sã téż nalezc ùkradłą sztaturã, jakô òstała zabrónô na kòmisariat w Newbury, gdze bãdze żdac na ùprawienié i zamòntowanié znowa na łôwce na Northbrook Street.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie