Przechwacënk skarbù za 8 mln eùro w Italsce

Nalazłé òstałë pamiątczi pò dôwni wastëjący na Apenińsczim Półòstrowie cywilizacje Etrusków.

Italsczé służbë przejimnãłë skarbë datowóné na III w. przed Christusã ò wôrtnoscë taksowóny na 8 mln eùro. Pòchôdają z nielegalnëch wëkòpiszczów na dôwnym etrusczim cerpiszczu w Città della Pieve w Ùmbrie. Òstałë nalazłé przez dwùch rabùszników, jaczi ni mielë niżódnégò doswiôdczeniô ze szlachòwnyma artefaktama, a na skôrb trafilë òb czas robòtë w gruńce na swòji zemi. Sprôwcë mòglë równak bëc swiądny, że mògą wëkòpac cos wôrtnégò – kòl jich parcelë leżało pòle gbùra, chtëren w 2015 rokù nalôzł na nim pòòstałoscë ti sami etrusczi nekropòlie, a pò zgłoszenim sprawë służbóm dostôł nôdgrodã 100 tës. eùro. Rabùsznicë, jaczi próbòwelë przedac drodżé zachë przez Internet, òstelë aresztowóny. Grozy jima do 10 lat sôdzë.

W nalazłim skarbie bëłë m.jin. pògrzebòwé grónczi, sarkòfadżi z ùchòwónyma gnôtama białczi w jednym z nich, przibiorë piãknoscë a téż bùdeleczka pò parfimie. Na parce z tëch artefaktów ùchòwałë sã wôrtné wëòzdobë pòkazywającé mitologiczné scenë.

Italsczé służbë przejimnãłë skarbë datowóné na III w. przed Christusã ò wôrtnoscë taksowóny na 8 mln eùro. Pòchôdają z nielegalnëch wëkòpiszczów na dôwnym etrusczim cerpiszczu w Città della Pieve w Ùmbrie. Òstałë nalazłé przez dwùch rabùszników, jaczi ni mielë niżódnégò doswiôdczeniô ze szlachòwnyma artefaktama, a na skôrb trafilë òb czas robòtë w gruńce na swòji zemi. Sprôwcë mòglë równak bëc swiądny, że mògą wëkòpac cos wôrtnégò – kòl jich parcelë leżało pòle gbùra, chtëren w 2015 rokù nalôzł na nim pòòstałoscë ti sami etrusczi nekropòlie, a pò zgłoszenim sprawë służbóm dostôł nôdgrodã 100 tës. eùro. Rabùsznicë, jaczi próbòwelë przedac drodżé zachë przez Internet, òstelë aresztowóny. Grozy jima do 10 lat sôdzë.

W nalazłim skarbie bëłë m.jin. pògrzebòwé grónczi, sarkòfadżi z ùchòwónyma gnôtama białczi w jednym z nich, przibiorë piãknoscë a téż bùdeleczka pò parfimie. Na parce z tëch artefaktów ùchòwałë sã wôrtné wëòzdobë pòkazywającé mitologiczné scenë.

H.S.Sz.