Dlô zwikszeniô frekwencje w welacjach na prezydenta Pòlsczi samòrządë sprawiłë ùletczenia, jaczé pòzwòlą dojachac do lokalów jak nôwikszi lëczbie òsób.
Gduńsk, Gdiniô i Sopòt wëszłë z inicjatiwą zachãcywającą do ùdzélu w prezydencczich welacjach w niedzelã òsmënôstégò maja. W òbrëmim kampanie „Nie spi, bò ce przewelëją” do welownëch lokalów bãdze szło pòjachac mieską kòmùnikacją za darmôka. Do przejazdu w dzéń welacje pasażérowie nie bãdą brekòwelë niżódnëch zaswiôdczeniów ani dokùmentów. Tikô sã to nié leno Trzëgardu, le téż wszëtczich sztërnôsce gminów Metropòlitalnégò Kòmùnikacjowégò Związkù Gduńsczi Hôwindżi. Trzëgard bédëje téż dodôwkòwą òpcjã transpòrtu òd dwiérzów dodomù pòd sóm welowny lokal dlô lëdzy, jaczi jinaczi ni mògą dolezc abò dojachac z pòzdrzatkù na wiek, lëché zdrowié abò niefùlsprôwnosc. Ùrësznioné òstałë numrë telefònów, pòd jaczima mòże zgłaszac taką brëkòwnotã. Welowné lokale bãdą òdemkłë w niedzelã òsmënôstégò maja òd sódmi reno do dzewiąti wieczór.
Twoje zdanie jest ważne jednak nie może ranić innych osób lub grup.
Komentarze opinie