Reklama
Przez sto tësący sztëk lëdzy na protestach w Belgradze
17/03/2025 19:07
Rzmë protestëjącëch pòtikają sã z fizycznyma atakama ze starnë przëstojników rządu.
W sobòtã piãtnôstégò strëmiannika w Belgradze zebrało sã przez sto tësący demònstrantów. Je to jedno z nôwikszich taczich zgrëpkòwaniów òd zôczątkù protestów òrganizowónëch w Serbie pò zawalenim sã banowiszcza w Nowim Sadze w smùtanie łońsczégò rokù. Demònstracje prowadzoné przez sztudérów mają za cél danié cëskù na rząd, żebë ùjawnił wszëtczé ùgôdënczi na remònt nowòsadzczégò banowiszcza, zwiksził wëdôwczi na wësoczé szkòłë i zagwësnił prawną òchrónã tim, jaczi ju wzãlë ùdzél w protestach i pòtkelë sã przez to z atakama abò sztrôfama. Rząd zapòwiôdô spôłnienié wszëtczich żądaniów, le demònstrancë nie dowierzają zapòwiescóm. Nimò òrganizacje karnów „pòrządkòwëch demònstrantów” przez òrganizatorów protestów, w Belgradze dochôdô do niebezpiecznëch sytuacjów. Zatrzimóny òstôł jeden chłop, chtëren grozył demònstrantóm ùżëcym procëm nim wëbùchòwëch ladënków. W dzélnicë Žarkovo aùtół prowadzony przez piãcdzesąt lat stôrégò chłopa wjachôł w grëpã protestëjącëch, co na szczescé skùńczëło sã na letczich zrenieniach trzech z nich. Òkróm tegò w gardze môlama strzimóny òstôł miesczi transpòrt, a na szasëjach są setczi szandarów.
H.S.Sz.
Załączniki
Źródło i opracowanie własne
Aktualizacja: 20/03/2025 13:28
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Komentarze
-
Reklama
-
2025-03-18 17:39:08të 100 tës. to pòdôwô serbsczi rząd, je wiedzec, nieòbiektiwny, jiné taksënczi są wikszé, 200, 300 tës. (në z 300 tës. gwës są wikszé niż pò prôwdze), tej bëłobë fejn pòkazac òbie starnë + spòdlim protestów je mësla, co kòrupcjô ùbijô (terô je tegò wicy i ju nie le sztudérzë protestują, np. gbùrzë téż), żlë elitë stôwają sã wiedno bòkadniészé, kòrupcjô kwitnie, a pùblëcznô infrasztruktura pôdô lëdzóm na głowë, to je widzec, że cos nie je richtich
odpowiedz
Reklama
Wideo
Reklama
të 100 tës. to pòdôwô serbsczi rząd, je wiedzec, nieòbiektiwny, jiné taksënczi są wikszé, 200, 300 tës. (në z 300 tës. gwës są wikszé niż pò prôwdze), tej bëłobë fejn pòkazac òbie starnë + spòdlim protestów je mësla, co kòrupcjô ùbijô (terô je tegò wicy i ju nie le sztudérzë protestują, np. gbùrzë téż), żlë elitë stôwają sã wiedno bòkadniészé, kòrupcjô kwitnie, a pùblëcznô infrasztruktura pôdô lëdzóm na głowë, to je widzec, że cos nie je richtich