Reklama

Przëłożił pistól do głowë nôscelôtkòwi

Klëka

18/12/2025 12:29

Agresywny spiti chłop nôgwësni pùdze do sôdzë za swòje dzejanié. Ù niegò doma szandarzë nalezlë trzë sztëczi barnie.

W jednym krómie w Kôłpinie we wtórk szesnôstégò gòdnika wieczór sztërdzescëdwalatny chłop zetkôł sã z szesnôsce lat stôrim knôpã. Zaczãlë sã sztridac, bò rëchli knôp mù cos skazył. W jednym sztóce chłop wëcygnął pistól i mierził nim w szesnôscelôtka. Grozył, że gò zabije. Pòtemù chùtkò wëlôzł z krómù i pòszedł dodóm. Zgłoszenié ò zdarzenim trafiło na pòlicjã w Kartuzach, a ju czilenôsce minut pózdni szandarzë naszlë chłopa w jegò chëczë. Miôł trzë promile alkòholu w krëwie. W jegò mieszkanim nalezlë dwie wiatrówczi, a téż pistól, jaczim grozył knôpòwi. Òkôzało sã, że òn béł na gaz. Pòlicjô zabrała chłopa do wëtrzezwieniô. Chòc barniô nie bëła prôwdzëwô, za grozbë mòże dostac do trzech lat sôdzë.

H.S.Sz.