Wëbróny łoni na prezydenta pòlitik wrôcô do Biôłégò Dodomù pò sztërzech latach paùzë.
W pòniedzôłk 21. stëcznika bëła rozegracjô zaprzësyżeniô Donalda Trumpa na prezydenta Zjednónëch Stanów. Reno ùrzãdëjący prezydent Joe Biden razã z pierszą damą przëwitôł nastãpnika i jegò białkã w Biôłim Dodomù na tradicjowim pòtkanim przë harbace. Sama ùroczëzna inaùgùracje òstała zòrganizowónô bënë Kapitolu we Waszingtonie. Na plac zeszło sã kòl 2,5 tës. lëdzy. Strzód gòscy bëlë ùszłi prezydentowie USA czë przédnicë nôwikszich amerikańsczich technologicznëch firmów, spòmidzë jaczich pòczestny plac zajimôł towarzący Trumpowi òb welacjową kampaniã Elon Musk. Pò złożenim przësëdżi na wiérnosc Kònstitucje, Trump wëgłosył przëmòwã, w jaczi zapòwiôdôł przińdzenié złotégò wiekù dlô Americzi. Pózdni pò pòdpisanim nominacjów na nôleżników swòjégò gabinetu òb pòstãpné przemówienié prezydent na òczach zebrónëch pòdpisôł czilenôsce rozpòrządzeniów, m.jin. ò wprowadzenim nadzwëkòwégò ùstawù na grańcë z Meksykã, wińdzenim USA ze Swiatowi Òrganizacje Zdrowiégò, strzimanim ùstawù zakazéwającégò dzejaniô TikTokòwi czë òdpùszczenim sztrôfów wikszoscë ùczãstników tpzw. szturmu swòjich przëstojników na Kapitol w 2021.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie