Reklama

Pòstãpnô tôfla z kaszëbsczim „Òjcze Nasz” zawiészonô w Stãżëcë

Klëka

21/09/2025 11:23

Tôflã, co wisy kòl stãżëcczégò kòscoła, zrobilë Rafôł i Karól Neclowie. Mô òna szlachòwac za tôflą w kòscele Pater Noster w Jerozolëmie.

W sobòtã dwadzestégò séwnika w Stãżëcë z inicjatiwë môlowégò partu Kaszëbskò-Pòmòrsczégò Zrzeszeniégò bëła ùroczëzna òdtaceniô tôflë z tekstã Pańsczi Mòdlëtwë pò kaszëbskù kòl kòscoła pòd wezwanim swiãti Katarzënë. Bëtny bëlë przë tim przedstôwcë Kaszëbskò-Pòmòrsczégò Zrzeszeniégò, samòrządu, a téż pòliticë. Tôfla zrobionô przez Rafała i Karóla Neclów je repliką ny zawieszony w jerozolëmsczim kòscele Pater Noster òb czas kaszëbsczi pielgrzimczi do Swiãti Zemi w dwatësãcznym rokù. Repliczi ti tôflë wiszą téż w czile jinëch kòscołach na Kaszëbach, w tim w Òlëwsczi Katedrze i w Mariacczi Bazylice we Gduńskù. W aùlë Pùbliczny Bibloteczi Stãżëcë, gdze tôfla òstała zaprezentérowónô, béł téż pòkôzk dokùmentalnégò filmù „Kaszëbi w Swiãti Zemi” ò historiczny pielgrzimce.

H.S.Sz.

Załączniki