Reklama

Ptôszô gripa w Sopòce

Klëka

06/02/2026 20:41

Pòzdrzatkòwi òdjimk. Òdj. en:User:Bowenpan - Copied from the English Wiki: en:Image:Swans.jpg; zdrzódło: https://pl.wikipedia.org/wiki/Ptasia_grypa#/media/Plik:SwansCygnus_olor.jpg

Òb czas szpacérów nad zamiarzłim Bôłtã mùszi miec òsoblëwé bôczenié na dzëwé ptôchë a jich pióra.

Òb całi stëcznik mieskô starżô w Sopòce rapòrtowała do Krézowi Lékôrczi Weterinarie we Gdinie Małgòrzatë Gòdzyńsczi wszëtczé przëtrôfczi nalézeniô miartwëch dzëczich ptôchów, przédno na sztrądze. Interwencjów bëło wicy jak sto dzesãc, nôczãscy do kôłpiów, méwów, kaczków i kòrmòranów. Cała zdechłëch ptôchów bëłë badérowóné. Małgòrzata Gòdzyńskô pòcwierdzëła, że ù miartwëch dzëwëch ptôchów nalazłëch na terenie Sopòtu òdkrëti òstôł szczép ptôszi gripë. Szpektorat weterinarie wespół z wëszëznama gardu przekôzałë òstrzédżi dlô strzimaniô rozkòscérzbë wirusa. Òd dzëczich ptôchów nót sã trzëmac dalek, w tim òd jich piórów czë gòwionków, nie pòzwalac do nich pòdchòdzëc dzecóm ani zwierzãtóm. Zmerkóné słabé abò zdechłé ptôchë słëchô zgłaszac do miesczi starżë, a samémù jich nie przenaszac. Czejbë doszło do kòntaktu z ptôchama, zarô mùszi ùmëc rãce wòdą z mëdłã i je zdezynfekòwac. Òstrzédżi òbrzesziwają do òdwòłaniô w całim Sopòce.

H.S.Sz.

Źródło i opracowanie własne

Z Kaszëb

Reklama

IM - niezalogowany 2026-02-09 00:05:34

jo, móm we czwiôrtk widzóné dwa szëplarze leżącé dót na gòłobrzegù na kòlibkach, pôdają ptôchë wszelejaczé
odpowiedz
- Zgłoś wpis

Podziel się swoją opinią

Twoje zdanie jest ważne jednak nie może ranić innych osób lub grup.

Reklama
IM - niezalogowany 2026-02-09 00:05:34

jo, móm we czwiôrtk widzóné dwa szëplarze leżącé dót na gòłobrzegù na kòlibkach, pôdają ptôchë wszelejaczé
odpowiedz
- Zgłoś wpis