Reklama

Pòwrót rządu do sudańsczi stolëcë

Klëka

13/01/2026 21:16

Chartum. Nad sztrądã Nilu. Zdrzódło: https://pl.wikipedia.org/wiki/Chartum#/media/Plik:%D8%A7%D9%84%D8%AE%D8%B1%D8%B7%D9%88%D9%85-%D8%AC%D8%B2%D9%8A%D8%B1%D8%A9_%D8%AA%D9%88%D8%AA%D9%8A.jpg; Òdj. محسن الفكي

Pò wnet trzech latach dzejaniô znad Czerwionégò Mòrza, wòjskòwi rząd wrôcô do Chartumù i zapòwiôdô robòtã nad pòdwigniãcym gardu ze szmërglënów.

Premiéra Sudanu Kamil Idris ògłosył w niedzelã jednôstégò stëcznika, że rząd wrócył do stolëcë kraju, Chartumù. Òd wëbùchù domôcy wòjnë z rebeliancczima Sëłama Chùtczégò Wspiarcô wòjskòwi rząd swòjã sedzbã miôł w gardze Pòrt Sudan nad Czerwionym Mòrzã. Sama stolëcã i rządowé bùdinczi òstałë òdbité ju łoni w strëmiannikù. Rząd zapòwiôdô, że jednym z prioritetów bãdze terô òdbùdowa zniszczonëch dzélów stolëcë, jakô przez wikszosc wòjnë robiła za biôtkòwiszcze. W gardze je jiwer ze spòdlowima ùsłëgama i mediama. Wcyg są prowadzoné ekshumacje nieòznaczonëch mòdżiłów cywilów a żôłnérzi zabitëch w òbéńdze miasta. Premiéra przë ti leżnoscë zapòwiedzôł téż, że latosy rok bãdze rokã miru dlô Sudanu. Timczasã wòjna z Sëłama Chùtczégò Wspiarcô wcyg dérëje i przez slédny rok zebra wielné òfiarë, jak pò przejimniãcym gardu Al-Faszir przez rebeliantów w rujanie i mùżdżówce nawet szescdzesąt òsmë tësący mieszkańców.

H.S.Sz.

Źródło i opracowanie własne