Kandidat rządzący partie òstôł wëbróny bez głosów òpòzycje, chtërna nie ùznôwô składu parlamentu.
W sobòtã 14. gòdnika grëzóńsczé kòlegium elektorów na nowégò prezydenta Grëzóńsczi wëbrało Micheila Kawelaszwilégò, jedurnégò kandidata rządzący partie Grëzóńsczé Marzenié. W welowaniu kòlegium, do jaczégò słëchają parlamentarziscë i samòrządówcë, nie wzãlë ùdzélu przedstôwcowie òpòzycje. Òni mają w kòlegium mniészosc elektorsczich placów. Je to pierszi rôz, czej prezydent Grëzóńsczi nie òstôł wëbróny w pòwszédnëch welacjach. Jegò inaùgùracjô mô bëc 29 gòdnika.
Òpòzycjô, jakô protestëje òd smùtana, bò trzimie parlamentarną welacjã za sfalszowóną, zapòwiôdô nieùznanié nowégò prezydenta. Dlô nich prezydentką je dali Salome Zurabiszwili, jakô zapòwiedzała, że nie òstawi ùrzãdu.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie