Reklama

Radioaktiwny alarm w Argentinie

Klëka

22/06/2026 20:34

Cez. Òdj. Dnn87; zdrzódło: https://pl.wikipedia.org/wiki/Cez#/media/Plik:CsCrystals.JPG

Wëszëznë wëdałë òstrzédżi dlô całégò kraju. Służbë docygają, że chtos ùkrôdł kapsułã z radiocezã i z nią zwiornął.

We strzodã sétmënôstégò czerwińca argentińsczi Ùrząd Nuklearnégò Dozéru dôł do wiadë, że dostôł zgłoszenié ò mòżebny radioaktiwny zagrôżbie. Z medicznégò labòratorium w gardze Rosario zdżinãła kapsuła z bùdlą z radioaktiwnym izotopã cezu ò numrze sto trzëdzescë sétmë, zwónym téż radiocezã. Substancjô je wëzwëskiwónô w medicynie, ale słëchô do jedny z nôniebezpieczniészich. Ji przewòżenié pòdlégô òstri kòntrolë. Mòże bëc téż wëzwëskónô do stwòrzeniô bómbë, jakô bë sprawiła radioaktiwné skażenié. Ùrząd Nuklearnégò Dozéru i wëszëznë pòdôwają, że pòkąd kapsuła nie bãdze òdemkłô abò ùszkòdzonô, ni miałobë duńc do niżódnëch lëchëch skùtków. Jeżlëbë równak chto jã nalôzł, mô ji nie maklac ani nie przenaszac samémù. Wëstawienié na radiocez mòże zwikszëwac rizykò reka, sprawiac pòparzenia, pòparmieniową chòrosc i smierc. W tësąc dzewiãcset òsmëdzesątim sódmim rokù w Brazylie w gardze Goiânia bëło skażenié radiocezã pò tim, jak dwie òsobë rozmòntowałé nalazłé przez sebie mediczné ùrządzenia. Tedë sztërë òsobë ùmarłë, a sto tësący mùszało bëc pòddóné badérowanióm.

H.S.Sz.

Źródło i opracowanie własne Aktualizacja: 22/06/2026 20:38