Arleta Kùrzelewskô nie bëła zgòdą z radnyma, jaczi chwôlëlë fùnksnérowanié służbë zdrowiégò w krézu.
Na absolutariowi sesje Radzëznë Człëchòwsczégò Krézu radnô Arleta Kùrzelewskô dała sã na pòrëszenié témë zarządzaniò człëchòwską bòlëcą w reakcje na chwôlenié ji fùnksnérowaniô przez jinszich radnëch. Wëcygła wëdrëkòwóné òdjimczi, jaczé zrobił ji chłop, czej béł w bòlëcë. Je na nich widzec personel wënôszający cało ùmarłégò z wichódka do tricë. Rzekła, że prawie przez to ji chłop ni mógł ùżëc wichódka i mùszôł żdac, jaż cało wëniesą. Na to starosta Aleksander Gappa scwierdzył, że trzimanié ùmarłëch w szituzach nôleżi do brëkòwnëch procedurów, a w tak zabëtkòwi bòlëcë ni mòże wëbùdowac wicy szituzów. Wiceprowôdniczka radzëznë Aleksandra Matuszewskô-Gòłãbiewskô òszkalowała Kùrzelewską za pòkazéwanié taczich òdjimków na nôwôżniészi sesje. Arleta Kùrzelewskô bëła jedną òd trzech nôleżników radzëznë, jaczi welowelë procëm wòtum zaùfaniô Zarządzënie Człëchòwsczégò Krézu i strzimelë sã òd głosu òb welowanié nad absolutorium.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie