Wedle zapòwiesców Pùtina Ruskô Federacjô mia bë przëznac so wikszé prawò do ùżëcô swôjégò atomòwégò arsenału.
We strzodã wieczór na zéńdzenim Radzëznë Bezpiekù Rusczi Federacje òdmikający to pòtkanié rusczi prezydent Władimir Pùtin wërzekł słowa òdebróné jakno pòstãpné grozbë sczerowóné do państwów Zôpadu i deklaracjã rusczégò pòszëkù do òstrëch òdpòwiesców na wikszą militarną pòmòc dlô Ùkrajinë. „To je bédowóné, żebë agresjô na Ruską przez jaczélebądz państwò, chtërno ni mô atomòwi barnie, ale z ùdzélã abò wspiarcym nuklearnégò państwa, bëła trzimónô za jich pòspólny atak na Ruską Federacjã” – gôdôł Pùtin. Rusczi wódca kôrbił téż ò mòżebnoscë ùżëcô atomòwi barnie przez Ruską w przëtrôfkù zmasowónégò ataku rakétów, fligrów abò dronów na federacjã. Te grozbë nawlékają do òstatnëch starów prezydenta Ùkrajinë Wòłodimira Zełensczégò ò ùdostanié zgòdë na ùżëcé zôpadnëch daleksyżnëch rakétów do ataków na céle bënë rusczich grańców.
Zjiszczenié sã zapòwiesców Pùtina znaczëłobë rozszérzwienié dotëchczasowi atomòwi doktrinë przëjimóny przez Ruską. Prezydent scwierdzył, że takô zjinaka bë bëła pasownô do dzysdniowëch militarnëch zagrôżbów dlô Federacje.
HSz
Twoje zdanie jest ważne jednak nie może ranić innych osób lub grup.
Komentarze opinie