Na sesje, jakô zacznie robòtã nowégò cała, wëbróné òstónie przédnictwò radzëznë.
We wtórk dwadzestégò drëdżégò łżëkwiata w Krézowim Starostwie w Kòscérznie zrëchtowónô òstała pierszô sesjô Radzëznë Seniorów Kòscérsczégò Krézu. Nowò ùsadzony doradczi òrgan skłôdô sã z dzewiãtnôsce radnëch, jaczi reprezentérëją wszëtczé gminë pòwiatu. W programie sesje je slubòwanié radnëch i wëbiér przédnictwa òrganu. Na przińdłëch zetkaniach Radzëzna bãdze diskùtérowała nad ternyma sprawama krézu, òsoblëwie tima, co tikają sã żëcô lëdzy pò szescdzesątce. Wedle kòscérsczégò starostë Grégòra Zabrocczégò bãdze to dobrô leżnosc do aktiwizacje seniorów, a jich bédënczi stóną sã jawerną pòmòcą w pòdjimanim ùchwôlënków dlô wëszëznów tak samégò kòscérsczégò krézu jak gminów. W radzëznie je sztërzech seniorów z miasta Kòscérzna, trzech z gminë Kòscérzna i pò dwùch z gminów Lëpùsz, Nowô Karczma, Kôrsëno, Dzemiónë, Stôrô Cziszewa i Liniewò.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie