Reklama
Rëchawë w Iranie
06/01/2026 15:48
Zaczãło sã òd głosów procëm wësoczim prizóm, le doszło ju do òstri kriticzi reżimù Alégò Chameneia.
Pò załómanim sã kùrsu irańsczégò riala i nagłim rosce prizów òd kùńca gòdnika w Iranie dérëją masowé protestë. Zaczãłë sã òd miéwców krómów, pòtemù zachãcëłë sztudérów z Teheranu, a terô leno sã kòscérzą na pòstãpné grëpë. Òd ekònomicznëch pòstulatów chùtkò przeszło téż do pòliticznëch – na szasëjach szło ùczëc i ùzdrzec zéwiszcza procëm rządowi ë jegò dzejanióm. Zéńdzenia na szasëjach dało we wicy jak sto môlach w Iranie. Òb czas pacyfikacje ùżëtô bëła strzélnô barniô, co dało smiertné òfiarë. Dokładny lëczbë nie je wiedzec, le irańsczé rządowé zdrzódła pòdôwają dwanôsce zabitëch, w co rechùją sã téż szandarzë. Są to nôwikszé protestë w tim kraju òd dwa tësące dwadzestégò drëdżégò rokù. Nôwëższi wódca Iranu Ali Chamenei przëznôł, że słëszné są protestë w sprawie drãdżi ekònomiczny stojiznë, a téż że włôdze gôdają z protestëjącyma. Bezcélowé równak pòdle niegò je rozmôwianié ze sprôwcama rëchawów, to je z pòwtôrzającyma gôdczi procëm islamòwi, Iranowi ë Islamsczi Repùblice. Scwierdzył, że za tima głosama stoją Izrael i Zjednóné Stanë.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze