Reklama
Òrczi atakùją w Pòrtugalsce
15/09/2025 19:15
Brëkòwnicë iberijsczich wòdów są rozgòrzony na państwòwé wëszëznë, że nie biôtkùją z tim problemã. Ùczałi nie wiedzą, dlôcze òrczi atakùją bôtë.
W sobòtã trzënôstégò séwnika kòl sztrądu lizbóńsczi aglomeracje karno òrków zaatakòwało dwa jachtë. Przez kòl gòdzënã òbijałë sã swòjima całama ò srąb i czerowną płatwã jednégò z nich, na tëli je ùszkôdzającë, że jednostka zaczãła sã zanorzac i w kùńcu zatonãła – òbsadã jachtu ùretelë kamrôcë z drëdżégò bôta. To trzecy przëtrôfk zatopieniô òkrãtu na pòrtugalsczich wòdach w slédnëch latach, ale do samëch ataków tëch zwierzãt i ùszkòdów dochôdô wiele czãscy, nié blós ù pòrtugalsczégò brzegù, le téż na wòdach szpańsczi Andaluzje, a téż na wòdach Maroka na Gibraltarsczi Zwãżënie. Grëpòwëch ataków òrków na jachtë żeglarze w ti òbéńdze doswiôdcziwają òsoblëwie òd czasu pandemie. Badérowie mają rozmajité ùdbë, co mòże je do tegò pòcëgac, tłómaczącë jich zachòwanié zôbawą, lãkã, zjinakama klimatu, a téż prowòkacjama ze starnë lëdzy – przez to w dwa tësące dwadzestim trzecym Pòrtugaliô òficjalno zakôzała pòdpłiwaniô bôtama i òkrãtama do òrczich karnów.
H.S.Sz.
Aktualizacja: 15/09/2025 19:19
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie