Reklama

Redzëkòwò i Kòbëlnica procëm Słëpskòwi

Klëka

22/12/2024 10:48

Òdj. z sesji Radzëznë Gminë Kòbëlnica. Zdrzódło: https://kobylnica.pl

Planowóny przez Słëpsk zabiér inwesticjowëch terenów w trzech môlëznach mòże przëniesc wiôldżé stratë gminóm Redzëkòwò i Kòbëlnica.

Na slédnëch sesjach Radzëznów Gminów Redzëkòwò i Kòbëlnica wójtczi gôdałë ò sztridze, jaczé òba te samòrządë mają z władzama Słëpska. Chòdzy ò planë przejãcô przez gard inwesticjowëch òbéńdów we wsach Wlinkówkò (gmina Redzëkòwò), Bòlesławice (gmina Kòbëlnica), a téż sami Kòbëlnicë, chtërna doch zakwalifikòwała sã do ùdostaniô miesczich prawów i òd 1. stëcznika 2025 r. mô stac sã miastã.

Wójt Redzëkòwa Barbara Diker gôdała ò brëkòwnoce strzimaniô Słëpska przed rozbùdową zakładu wërôbianiô rëbny mączczi we Wlinkówkù, nié blós z pòzdrzatkù na dëtkòwé stratë gminë, ale téż na mòżebné zaszkòdë dlô nôtërnégò strzodowiszcza. Nad to zapòwiedzała pòdjãcé prawnëch kroków dlô pòwrotu do gminë terenów zabrónégò przódë Płaszéwka, a téż dlô ògrańczeniô mòżebnoscë tak czãstégò rozkòscérzaniô grańców samòrządu przez Słëpsk.

Reklama

Wójtka Kòbëlnicë Ana Glinieckô-Wôs pòdsztrichiwała felënk kònsultacje planowónëch zmianów grańców z mieszkańcama. Rzekła téż ò nowi stojiznie w sztridze midzë Słëpskã a Kòbëlnicą sparłãczony z ju baro krótczim przesztôłcenim ti drëdżi môlëznë na miasto.

H.S.Sz.

Czytaj nas w Google

Dodaj do Google

Źródło i opracowanie własne