Inwesticje, jaczé mają bëc skùńczoné jesz latos, mają ùprawic estetikã, bezpiek i przistãp òkòma bùdinkù przë Aleje Pòlsczégò Wòjska.
Wëszëznë Człëchòwa mają pòdpisac ùgôdënk z człëchòwską firmą, jakô dobëła ùtrôp na zamòntowanié wcygôcza w człëchòwsczim rôtëszu. Mô bëc pòstawionô òd starnë lëdzyńca i òbsłëgòwac parter i pierszi przãter. Dotëchczasny felënk tricë kòl rôtësza béł jiwrã w przédny rédze dlô niefùlsprôwnëch gòsców Ùrzãdu Cywilnégò Stanu z leżnosców zdënków, jaczi ni mòglë wjachac inwalidzczima wózkama na przãter. Mô to kòsztac trzësta trzëdzescë tësący złotëch, z czegò pòłowã ùdëtkòwi Państwòwi Fùndusz Rehabilitacje Niefùlsprôwnëch Òsób. Dérëje téż robòta nad ùprawienim elewacje rôtësza, prowadzonô przez wëkònôwcã z Chòniców za priz dzewiãcdzesąt trzech tësący złotëch. Mô to ùprawic bezpiek, bò przed zaczãcym robòtów kawłë trzopu spadiwałë na deptownik, a téż sóm wëzdrzatk sedzbë człëchòwsczi samòrządzënë. Òbie inwesticje mają bëc skùńczoné jesz w tim rokù.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie