Reklama

Rodzëzna pùstkòwianów chòwa na òbòrze cała dwòjga dzecy

Klëka

05/12/2024 16:02

Zdrzódło: https://x.com/VladaRH/header_photo

Zakòpóné kòl chëczë w Chòrwacce dzecë ùmarłë mést przez lëché teaktowanié. Trzecé dzeckò òstało przekôzóné do dodomù òpieczi.

We wtórk 3. gòdnika do jedny chëczë na pùstczi Ljubelj Kalnički w nordowi Chòrwacce òstelë wezwóny szandarzë w związku z wiadą ò rodzëcach, jaczi mielë baro lëchò sã zajëmac swòjim 4-latnym dzeckã. Na òbòrze ù rodzëznë służbë nalazłë równak swiôdectwò jesz gòrszi prôwdë – zakòpóné cała dwòjga dzecy. Jak docygają media, przëczëną jich smiercë miało bëc prawie lëché zajimanié sã. Jich trzecym dzeckã, jaczégò tikało sã zgłoszenié, zajimną sã w môlowim dodomù spòlëznowi òpieczi.

Wedle mieszkańców pùstków, zatrzimóny w ti sprawie rodzëce dzecy żëlë bez zdënkù, czãsto wëjéżdżiwelë i nie lëdelë kòntaktu z sąsadama. Wëapartniwelë sã téż òd môlowi spòlëznë nôleżnictwã do rësznotë mesjanisticznëch żëdów. W môlëznie mieszkelë òd piãc lat. Pò przebadérowanim całów dzecy i przesłëchanim rodzëców prokùratura pòdjimie decyzjã, jaczé òbwinë przedstawic zatrzimónym.

Reklama

H.S.Sz.

Czytaj nas w Google

Dodaj do Google

Źródło i opracowanie własne