Reklama

Rozbilë narkòtikòwi gang na Pòmòrzim

Klëka

08/11/2025 09:12

Przesprôwcë bëlë zrzeszony z pseùdokibicana z Lãbòrga i Bëdgòszczë. Szandarzë skùńczëlë jich dzejanié, jaczé dérowało òd trzech lat.

W slédnëch dniach Centralné Pòdszukòwné Bióro Pòlicje razã z szandarama z krézowëch kòmendów w Lãbòrgù i Chełmnie a téż Mòrsczégò Partu Grańczny Starżë z Ùstczi rozbiłë narkòtikòwi gang. Grëpa dzejała òd dwa tësące dwadzestégò drëdżégò rokù w pòmòrsczim i kùjawskò-pòmòrsczim wòjewództwie. Miała ùgôdënczi ze strzodowiszczã pseùdokibiców z Lãbòrga i Bëdgòszczë. W akcje zatrzëmiwaniô ji nôleżników ùdzél wzãło przez sto szandarów. Ùchwacëc sã ùdało dwadzesce jeden lëdzy òd dwadzesce dwa do szescdzesąc dwa lata stôrëch, le pòlicjô dała do wiadë, że bãdą pòstãpné zatrzimania. Pòdezdrzóny ùczëlë òbwinë przehańdlowaniô przez półtora tonë narkòtików, midzë jinszima kòkajinë, amfetaminë i marihuanë, jaczich trójné wielënë szandarzë mają zabezpieczoné. Sprôwcë téż rabòwelë lëdzy, pòriwelë jich i trzimelë zamkłëch. Skònfiskòwóné przesprôwcóm òstałë téż strzélnô barniô z amùnicją, noże, karkùlëce i maczetë, a téż wicy jak sto sétmëdzesąt tësący złotëch.

H.S.Sz.