Jëbleùszowô 25. edicjô kònkùrsu dlô firmów i samòrządów dzejającëch dlô rozwiju Pòmòrzégò òsta ùczestnionô wprowôdzóną kategórią „Super Grifa”.
We strzodã 13. smùtana w Olivia Center w Òlëwie bëła zòrganizowónô gala rozdaniô sztaturków nôdgrodë „Gòspòdarczi Grif”, przëznôwóny przez marszôłka pòmòrsczégò wòjewództwa i òrganizacje gòspòdarczi samòrządzënë za dzejanié dlô rozwiju regionu. Z òrãdzë 25-lecégò nôdgrodë rozdóné òstałë téż specjalné „Super Grifë” za òsoblëwé zasłëdżi, chtërnëch brzadã bëło stójné ùprawienié gòspòdarczi stojiznë w regionie.
Sztaturczi bëłë rozdôwóné w taczich wietwiach jak innowacje, ekspòrt, start-up, inwesticje, rozwij kómpentencjów, zelonô transfòrmacjô, spòlëznowô ekònomiô czë gminë drëszny pòdjimcóm. Na latosą edicjã bëłë wësłóné 93 zgłoszenia, a nominowónëch òstało 19 firmów i 2 gminë. Przez całi czas òd pierszi edicje kònkùrsu w 2000 rokù wëapartnionëch òstało wicy jak 180 firmôw.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie