Prôcë mają zagwësnic zwikszenié bezpiekù i turisticznëch wôrtnotów môla.
Miesczi Ùrząd w Gdinie i Ùrząd Gardu Sopòtu pòdpisałë ùmòwã z wëkònôwcą planowónëch robòtów nad pòszérzwienim pieglëszcza w Sopòce. Na 700-métrowim dzélëkù sztrądu mô bëc dorobioné czilenôsce metrów nadmòrzégò. Robòtë mają sã zaczic w niedzelã 20. rujana i dérowac 3 miesące. Inwesticjô bãdze kòształa kòl 2 mln złotëch. Dzãka tpzw. refùlacje sztrąd òstónie ùmòcniony w môlach òsoblëwie mòckò dotkłëch nôtërną erozją, co pòmòże w òchrónie bùdinków i infrasztrukturë krótkò pieglëszcza przed dënëgama. Chòdzy m.jin. ò dzélëk òd wchòdu nr 34 w czerënkù Gduńska, jaż do wchòdu nr 43.
Szerszé pieglëszcze òznôczô téż wicy placu dlô turistów, na jaczich Sopòt zarôbiô wiôldżi part swòjégò bùdżetu. Ùrzãdnice gôdają téż, że dzãka refùlacje ùprawi sã nawigacjowi bezpiek bôtów żeglëjącëch krótkò brzegù.
Całé zadanié mô bëc skùńczoné na długò przed zaczãcym sã turisticznégò sezonu.
H.S.Sz
Twoje zdanie jest ważne jednak nie może ranić innych osób lub grup.
Komentarze opinie