Reklama

Ruscë nie òddelë kònsulatu

Klëka

27/12/2025 11:30

Dôwny kònsulat Rusczi we Gduńskù. Aùtór: Lisarlena; zdrzódło: https://pl.wikipedia.org/wiki/Konsulat_Generalny_Rosji_w_Gda%C5%84sku#/media/Plik:Gdansk_Batorego15.jpg

Gard Gduńsk bãdze czerowôł sprawã do prokùraturë. Nôgwësni ùdô sã przejic bùdink na spòdlim sądowégò nôkazu.

Dwadzestégò trzecégò gòdnika minął termin, w jaczim òbsada rusczégò kònsulatu we Gduńskù miała òstawic bùdink i wëjachac z kraju. Ni ma ju tam stójnégò dozéru pòlicje. Miesczim ùrzãdnikóm, jaczi przëszlë òdebrac bùdink, nicht nie òdsztëkôł dwiérzi. Ruscë mają bùdink za swój i zapòwiedzelë rëchli, że gò nie òddadzą, a na terenie pòsesje bãdze sedzôł administracjowò-techniczny robòtnik ambasadë Rusczi Federacje. W òdpòwiescë na dzejania Pòlsczi trzëdzestégò gôdnika zamkłi téż òstónie pòlsczi kònsulat w Irkùckù. Wiceprezydentka Gduńska Emiliô Lodzyńskô dała do wiadë, że gard dostôł ju wskazë co do dalszégò dzejaniô òd Ministerstwa Bùtnowëch Sprôw. Sztrid ò bùdink trafi do Generalny Prokùratorie, a w mionie Skarbù Państwa do sądu trafi pòzew ò zajimniãcé pòsesje. Jeżlë sąd rozsądzy na zwësk pòlsczi starnë, w kònsulace przë szasëje Batorégò bãdze dzekùtniczô interwencjô.

H.S.Sz.

Źródło i opracowanie własne