Pòlsczi wëdowiédzë pòmòglë Lëtwinie, jaczi zajimelë sã sprawą bómbë pòdłożony w bùdowlanym krómie w Wilnie.
W niedzelã jednôstégò maja, wieczór przed pierszą roczëzną zeżôleniô sã wiôldżi tôrgòwi halë przë szasëje Marëwilsczi w Warszawie, minister sprawiedlëwòscë Adóm Bòdnar i minister bënowëch sprôw Tomôsz Semòniôk wëdelë pòspólné òswiôdczenié w sprawie ògnia. Pòlsczé wëdowiédzowé służbë w wespółrobòce z lëtewsczima scwierdzëłë, że hala, gdze bëło przeszło tësąc sztëresta krómów i jinszich ùsługòwëch pùnktów, òstała pòdpôlonô na zlecenie rusczich specjalnëch służbów. Na Lëtwie ùdało sã zatrzëmac chłopa, jaczi dostôł zadanié nagrac żôlącé sã hańdlowé centrum i przesłac filmik swòjémù piastunowi Aleksandrowi W., jaczi je terô w Rusce, a za to dostôł nowi aùtół. Ten sóm chłop piãc dni przódë razã z wespólnikã pòdłożił bómbã w bùdowlanym krómie w Wilnie. Òdżin w Warszawie zamiecył chto jinszi. Premiéra Donald Tusk pòdôł, że part sprôwców ju òstôł aresztowóny, a za partã szëkba wcyg dérëje. Z KASZËB
Twoje zdanie jest ważne jednak nie może ranić innych osób lub grup.
Komentarze opinie