Tuaresczi separatiscë winëją malijsczé wòjskò i najmańczików z Karna Wagnera ò zabicé dwadzesce sztërzech cywilów.
Wòjskòwi rząd Repùbliczi Mali rëgnął z wëdowiédzą w sprawie łómaniô prôw człowieka przez wòjskò. Front Wëzwòleniô Azawadu, separatisticznô rebelianckô òrganizacjô Tuaregów, òbskôrżëła wòjskò Mali ò przechwôcenié pasażérsczégò fligra lecącégò z malijsczégò gardu Gaò do Algerie i zabicé na jegò pòkładze dwadzesce sztërzech cywilów, w tim białków i dzecy. Duńc do tegò miało w pòniedzôłk sétmënôstégò gromicznika, a w zbrodnie ùdzél brac mielë téż najmańczicë z Karna Wagnera, jaczé pòmôgô malijsczémù wòjskù w biôtce z tuaresczima separatistama na nordze kraju a téż z terroristama z Al-Kaidë i Islamsczégò Państwa. Sëłë rządowé bëłë wiele razy winowóné ò wielné przëtrôfczi łómaniô prôw człowieka. Rząd bezprzestójno temù przékùje. Jak dotądka wëszëznë nie deklarowałë badérowaniô wiadów pòdôwónëch przez swòjich procëmników. Ti mają wątplëwòscë, czë wëdowiédzô bãdze rzetelno przeprowadzonô, a téż czë sprawa nie òstónie propagandowò wëzwëskónô procëm Tuaregóm.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie