Akt òbskôrdżi wëdóny przez szczecyńską prokùraturã stôwiô òbwinë sztërzem lëdzóm, jaczé dzejelë w nielegalnym hazardze na Pòmòrzu w latach 2016-2023.
Do Òkrãgòwégò Sądu w Słëpskù trafi akt òbskôrdżi procëm trzem chłopóm z Pòmòrsczégò Cłowò-Skarbòwégò Ùrzãdu z Gdinie, a téż jich wespółrobòtnikòwi. Akt òstôł przërëchtowóny przez Òkrãgòwą Prokuraturã w Szczecënie. Dwaji robòtnicë ùrzãdu Michôł G. i Môrcën R. miele słëchac do zòrganizowóny przesprôwczi grëpë, jakô ùrządzała nielegalné hazardowé grë. Dôwelë znac jinszim ji nôleżnikóm ò planowónëch przez ùrząd kòntrolach, za co wzãlë w sëmie 580 tës. pòdpłacënkù. Dëtczi przekazéwôł jima Mirosłôw Ł., miéwca wiele salonôw grów w pòmòrsczim wòjewództwie. Dzãka jich infòrmacjóm, place, gdze béł òrganizowóny nielegalny hazard, mòglë sã zamëkac zarô przed kòntrolą, dzãka czemù grëpa mògła dzejac bez kònsekwencjów. Wiedzôł ò tim téż robiący w ùrzãdze Sebastión P., chtëren nie pòdjimôł służbowëch dzejaniów procëm skarbòwim przesprôwcóm. Służbë zabezpieczëłë majątk ùrzãdników a téż miéwcë salonów. Òbskôrżony ju bëlë aresztowóny, a terô òstôwają pòd szandarsczim dozérã. Grozy jima do 15 lat sôdzë.
Twoje zdanie jest ważne jednak nie może ranić innych osób lub grup.
Komentarze opinie