Wespół z robòtnicą ùrzãdu zatrzimóny òstelë téż sztërzej cëzyńcë z rozmajitëch krajów. Cała piątka mô rëchtowac legalizacjã pòbëtu w Pòlsce za dëtczi.
Szandarzë z Wëdzélu do biôtczi z Kòrupcją z Wòjewódzczi Kòmańdë we Gduńskù zatrzimelë 5 lëdzy pòmëslonëch ò branié ùdzélu w ùrëchliwanim legalizacje pòbëtu cëzyńców w Pòlsce przez przekazéwanié jima kôrtów bëtnoscë. Zatrzimania bëłë w Bëdgòszczë, Gdinie a téż we Gduńskù, gdze zatrzimónô òsta robòtnica Pòmòrsczégò Wòjewódzczégò Ùrzãdu, chtërna miała òd nômni 2022 rokù przëjimac pòdpłacënczi za ùrëchliwanié administracjowëch procedurów, na czim nielegalno zarobiła 30 tës. złotëch. Òkróm ni aresztowóny òstelë sztërzeji cëzyńcë, jaczi przekazéwelë pòdpłacënczi w sëmach òd czileset do czile tësãcy złotëch ùrzãdniczce i téż pòmôgelë w całim procesu.
Pòlicjô òstrzégô, że z pòzdrzatkù na òsoblëwòsc sprawë w nôblëższim czasu mòże bëc wicy zatrzimaniów.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie