Reklama

Rzezba na latawiszczu

Klëka

08/01/2026 14:55

Òdj. Andrzej Otrębski; zdrzódło: https://pl.wikipedia.org/wiki/Port_Lotniczy_Gda%C5%84sk_im._Lecha_Wa%C5%82%C4%99sy#/media/Plik:GDN_T2_5.jpg

W Latawnym Pòrce miona Lecha Wałãsë rézëjący pòtkają òsoblëwą instalacjã, jakô reprezentérëje mieszkańców Pòmòrzégò.

Na latawiszczu we Gduńskù òdtacëlë artisticzną instalacjã pòd titlã „Tuńc Bôłdzów”. Òna bëła zrobionô wedle projektu Julla Dzamsczégò przez żłobiarza Marka Zalewsczégò. Przódë stojała òna na wëstôwkù Expo w Òsace łoni w maju òb czas Dni Pòmòrsczégò Wòjewództwa. Terô na stałé rzezba je ùsadzonô w rëmie latawiszcza, gdze òbzerac jã mają turiscë. Przedstôwiô pòstacje chłopa i białczi, jaczi wërôstają jakno pnie z drzewianégò spòdlégò, dali nabiérają lëdzczich sztôłtów z wòdnym mòtiwã, a na jich głowach je widzec plachce ò jantarowi farwie. Wedle ùdbë projektanta żłobinë mają przedstawiac mieszkańców Pòmòrzégò, jaczi żëją w zgòdze z nôtërą. Titel „Tuńc Bôłdzów” mô narzeszëwac do jantaru jakno skarbù, co pòwstôł ze sparłãczeniô bôłdzów zemi, wòdë i słuńca. Sóm bùrsztin mô bëc symbòlã dôdżi ë wëtrzëmałoscë, jaczé dôwają Pòmòrzanóm niezniszczewnosc, ambicjã i gòscynnosc.

H.S.Sz.

Załączniki